أغنية : يا بحر الحب

كلمات الشاعر : فرج المذبل

لحن و أداء :  عادل عبد المجيد

..

يا بحر الحب أنا والله .. عوّام قديم
لا ابموج الشوق اتوهني .. لا معاك نهيم
مرساتي أنا .. اللي نرميها
و حكايتي أنا .. اللي ننهيها
...

يا بحر الحب في مشوارك
معاك ماشي ماني مخدوع
أنا عارف لعبة تيارك
تنسيني منين الرجوع
مش أول رحلة ما نغرك
عايش حلوك ذايق مرك
...

امسافر زاده أحلام هنية
صبر و شمعة و ضحكة ود
وموعد في مرسى الحنية
مع اللي حالف يرعى العهد
يا بحر الحب خللي الرحلة
أنا و محبوبي تكون سهلة

ـــــــــــــــــــــــــــــــــــــ

إعداد : زياد العيساوي